歕(pun5)鼓吹送客兄出門

有一兮(e5)歕鼓吹的人in1某，趁in1翁去上班，叫客兄來幽會。兩人爽快堵煞(tu2suah4)，聽著歕鼓吹兮轉(tng2)來開門的聲，查某人緊叫客兄匿(bih4)入去門床腳。然後才出來迎接in1翁，共(ka7)伊講：「你歕鼓吹即恁(ciah4lin3)久啊，設使我那(na7)共你的目ciu1掩(am1)起來，你敢有法度通歕？」in1翁想講in1某好像(ka8na8)有卜(beh4)合(kah4)伊消遣的意思，不戒其意，隨講：「這那有什麼困難，當然會曉啊。」查某人講：「會未(e7be7)試看覓咧才會知(cai1)。」in1翁就講來試啊。即陣(cit8cun7)查某就將in1翁的目ciu1用雙手共掩(ng1)起來，叫伊緊歕；同時使(sai2)一下目尾，示意叫客兄緊行出去。等客兄去有夠遠啦，查某才將手縮(kiu1)轉來，共in1翁講：「你有影目ciu1掩起來還(uan5)那也會曉歕鼓吹to1著。」查某人的危機是渡過去a0無不著(m7tioh8)；不過，即件代誌別人看起來，彼(hit4)兮查甫(poo1)的卻是不折不扣歕鼓吹送客兄出門。